Мавлуда Асалхўжаева янги видеоклип суратга олдирди

Ўзбекистонда хизмат кўрсатган артист, халқимизнинг севимли санъаткори Мавлуда Асалхўжаева "Соғинаман" таронаси учун видеоклип суратга олдирди. Клип трек ва сюжетни ўз ичига олган. Тасвирга тушириш ишлари 2 кун давом этди. Мавлуда Асалхўжаева мазкур видео асарни тайёрлашда клипмейкер Жонред Сагдиев билан ҳамкорлик қилди.

Тасвирчи Иззат Лутфуллаев. Унда бош ролларни Ҳусан Жўраев, Севара Солиева, Меҳри Бекжонова ижро қилган. Пардозчи Шероза. Яқин кунларда премьера қилиниши кутилаётган видеоклип томошабинларга манзур келишига умид қиламиз ва хонанда ҳамда унинг ижодий жамоасига омад тилаб қоламиз.