"Фитна" га учраган Отабек ва Каниза

Айни пайтда томошабинларнинг баҳс-мунозараларига сабабчи бўлаётган "Фитна" сериалида турли инсонлар тақдири очиб берилмоқда. Сериалда иштирок этаётган персонажларнинг сони кўп. Бугунги куннинг энг долзарб масалаларини қамраб олаётган мазкур сериалнинг янги қисмларига эндиликда Отабек Муталхўжаев ва Каниза ҳам таклиф этилди.
Режиссёр Равшан Усмоновнинг "Ёлғон дунё" фильмида партнёр бўлган бу икки ижодкор "Фитна" да севишганлар ролини ижро этишади. Отабек ва Канизанинг қаҳрамонларини жуда мураккаб ва жиддий ҳаётий синовлар кутмоқда.
Севишганлар турли фитналарга дучор бўлишади. Сериал режиссёри Дилшод Аҳмедовнинг айтишича, Отабек ва Канизанинг қаҳрамонлари билан боғлиқ сюжет қизиқарли ва драматик воқеfликларга бой бўлади.
Отабекнинг онаси ролини эса томошабинларимизнинг севимли истеъдодли актрисаси Саида Раметова ижро этиши режалаштирилган. Демак кузатамиз.