Улуғбек Раҳматуллаевдан "Дилам" клипини қарши олинг

Айни пайтда ноябрь ойида "Халқлар дўстлиги" санъат саройида бўлиб ўтадиган "Юрак" номли яккахон концерт дастурига қизғин тайёргарлик кўраётган хонанда Улуғбек Раҳматуллаев "Дилам" таронаси учун яратилган клипни намойиш қилди. Клип трек ва сюжетдан иборат. Унда бош ролни Ҳусан Мақсудов ҳамда ёш актёр ва актрисалар қатнашишган. Клип режиссёри Рауф Набиев. Тасвирчи Диёр Адашев. Шунингдек, хонанданинг "Бемеҳргинам" номли видеоклипи ҳам экранларга чиқиш арафасида. Кетма кет яратилаётган қўшиқ ва клиплар албатта сизларга манзур келади деб умид қиламиз.