Зоҳид янги видеоклип суратга олдирди

Уммон гуруҳининг собиқ аъзоси Зоҳид яккахон хонанда сифатида ўз фаолиятини олиб бораётгани кўпчиликка маълум. Хонанда бир нечта янги қўшиқлар яратишга ҳам улгурди. Яқин кунларда радиотўлқинлар, интернет тармоқлари орқали бирин-кетин премьералар амалга оширилиши режалаштирилган. Қолаверса у янги қўшиқлардан  бири учун видеоклип ҳам тасвирга олдирди. Тарона номи ҳозирча сир тутилмоқда.  Клип режиссёри Санжар Маткаримов. Оператор Жаҳонгир Ибрагимов. Видео асар трек ва сюжетдан иборат. Унда бош ролларни ёш ижодкорлар Шаҳбоз Маҳмудов ва Азиза ижро қилган. Қаҳрамонлар образи устида Лидия Андре ишлади. Демак, тез кунда Зоҳид ижросидаги янги тарона ҳамда видеоклипни кутиб қолинг.