Шаҳзод Муродов тез кунда янги клип - "Кел кел"

 

Истеъдодли хонанда Шаҳзод Муродов ҳам сўнгги кунларда янги лойиҳалар устида ишламоқда. Улардан бири "Кел кел" деб номланган янги қўшиқ ва унга суратга олинаётган видеоклипдир. Хонанда мазкур таронани яратишда Хушнуд Дарвеш ва Аҳлиёр Азимов билан ҳамкорлик қилди. Қўшиқ шўх ва кайфиятни кўтарувчи ижод намуналаридан ҳисобланади. Шаҳзод Муродов ушбу композиция учун Шерзод Умаров режиссёрлигида видеоклип тасвирга олдирди. Клип трек ва сюжетдан иборат. Унда бош ролларни Асқар Ҳикматов ва Ситора Алимжонова ижро қилмоқда.  Яқин кунларда халқимиз ҳукмига ҳавола қилинадиган мазкур қўшиқ ҳамда клип умид қиламизки, барчага бирдек ёқади ва ижобий фикрлар билан кутиб олинади.