Беном гуруҳи ва Лола: яна бир дуэт
Шу кунларда ижтимоий тармоқларда Беном гуруҳининг гастрол концерт дастурлари жадвали тақдим этилди. Мазкур концертларга тайёргарлик кўриш билан бирга, улар яна бир янги сирли лойиҳага қўл уришгани ҳақида ҳам маълум қилишди. Яна бир ижодкор Лола эса бир неча кундан буён Миллий Олимпия қўмитаси ташаббуси билан #Бизбиржамоа шиори остида катта лойиҳага қўл ургани ҳақида хабар қолдирди. Ҳар икки ижодкорлар ошкор қилмаган сирли лойиҳа ҳамкорликдаги дуэт экани тахмин қилинаётган эди. Куни кеча улар тасвирга олиш майдончасидан олинган фотосуратларини тақдим қилишди. Бундан англаш мумкинки, #Бизбиржамоа шиори остидаги қўшиқни айнан Лола ва Беном гуруҳи ижро қилган. Қисқа фурсатларда ушбу лойиҳа, тасвирга олиш жараёни, ижодий гуруҳ ҳақида батафсил маълумот бериб ўтамиз.
