Бухорода юлдузлар иштирокида ёшлар фестивали бўлиб ўтди
24-26 июнь кунлари "Биз буюк юрт фарзандларимиз" шиори остида ўтказилаётган ёшлар фестивалининг навбатдагиси Бухоро вилоятида тантанали равишда ўтказилди.
Фестиваль давомида Бухоро вилоятининг барча шаҳар ва туманларининг чекка ва чагарадош ҳудудларида ўтказилган ижодий учрашувларда “Ўзбекнаво” эстрада бирлашмасининг бир гуруҳ хонандадалри фаол иштирок этишди.
Жумладан, Ўзбекистонда хизмат кўрсатган артистлар Севара Назархон, Собиржон Муминов, Лола Аҳмедова, “Ниҳол” мукофоти совриндорлари Ойбек ва Нигора, Дилсўз, Машҳурбек Райимжонов, эстрада хонандалари Азиз Ражабий, Фарҳод Саидов, Рухшона Маҳмудова, Шоира Отабекова, Муниса Ризаева, Амира Алибекова, Хуршид Эшонхўжаев ва эстрада гуруҳларидан “Афруз” ҳамда “Диёр” гуруҳи шулар жумласидандир.
Фестиваль доирасида бўлиб ўтган учрашувлар қизиқарли ва савол-жавобларга бой бўлди ҳамда фестиваль якунига бағишлаб Бухоро вилоят Марказий ўйингоҳида ўтказилган гала-концерт юқори савияда ўтказилди. Эстрада хонандалари томонидан ижро этилган куй қўшиқлар ёшларга янада яхши кайфият улашиб, завқ бағишлади. Тадбирдан олинган фотосуратларни эътиборингизга ҳавола этамиз.
