“Сарвиқомат дилбарим” фильмининг суратга олиш жараёнлари давом этмоқда

Аввалги янгиликларимиз орқали “Сарвиқомат дилбарим” номли фильмнинг суратга олиш ишлари бошлангани ҳақида хабар берган эдик. Айни дамда тасвирга тушириш жараёнлари жадал давом этмоқда. Фильм ижодкорлари суратга олиш майдончасидан фотолавҳаларни тақдим этиб боришмоқда. “Ўзбеккино” миллий агентлиги буюртмасига биноан яратилаётган ушбу бадиий фильм Наманган вилояти, Тошкент шаҳри ҳамда Қирғизистонда суратга олинмоқда.

Жорий йилнинг декабрь ойида премьера қилиниши режалаштирилган фильм машхур адиб Чингиз Айтматовнинг 90 йиллик юбилейига бағишлаб яратилаётгани сир эмас. Унда бош ролларни Адиз Ражабов, Улуғбек ҚодировЮ Бобур Йўлдошев ҳамда Қирғизистонлик актрисалар Элина Абай қизи, Мадина Талипбек  ижро қилмоқда. Фильм режиссёри Сарвар Каримов.