Нилуфар Усмонова "Turkvision"да юқори марра сари одимламоқда
Аввал хабар берганимиздек, шоу-бизнесимизнинг шўх ва шаддод вакиласи Нилуфар Усмонова Туркияда ўтказилаётган “Turkvision-2013” жонли ижродаги қўшиқлар танловининг ярим финал босқичида иштирок этди.
Айтиш керакки, жаннатмакон ўлкамиз Ўзбекистон байроғи остида саҳнага чиққан Нилуфар Усмонованинг чиқиши олқишларга бой бўлди. “Унутгин” номли автобиографик қўшиқ жонли равишда аъло даражада ижро этилди.
Буни натижалар ҳам исботлаши мумкин. Дастлабки овоз бериш натижаларига кўра, Нилуфар Усмонова 24 мамлакатдан келган ижрочилар орасида 4-ўринга лойиқ деб топилди.
Бу жудаям яхши кўрсаткич бўлиб, Н. Усмонова барчанинг ишончини қозонди дейиш мумкин. Олдинда финал босқичи турибди. Нилуфар Усмоновага “Баракалла!” деган ҳолатда олға қадам босишига омад ёр бўлишини тилаб қоламиз.
Азиз тингловчилар ва Нилуфар Усмонованинг ашаддий мухлислари! Финал босқичида Нилуфар Усмонованинг чиқиши видеоси бизнинг popcorn.uz сайтига жойлаштирилади. Ўз юлдузингизни қўллаб-қувватланг ва бизни кузатишда давом этинг.
