Улуғбек Ҳaликовдан узоқ кутилган ижод маҳсули

Истеъдодли ижодкор Улуғбек Ҳаликов кўпгина қўшиқлари билан халқимизнинг севимли хонандаларидан бирига айланиб улгурган.  У аввалроқ мухлисларига янги лойиҳалар устида ишлаётгани ва улардан бири "Гавана" қўшиғи эканлиги ҳақида маълум қилган эди. Хонанда барчани қизиқтириб қўйган ушбу композициясини юртимизнинг етакчи радиотўлқинлари орқали мухлислар ҳукмига ҳавола қилди. Мусиқий асар илиқ фикрлар билан қарши олинди. Тарона Улуғбек Ҳаликов сўзи, Жамшид Абдуназаров мусиқаси ва аранжировкаси билан яратилган. Умид қиламизки, бу қўшиқ қисқа фурсатда ёзнинг энг талабгор тароналаридан бирига айланади.