Шаҳзодадан яна бир узоқ кутилган туҳфа

Мафтункор хонанда Шаҳзода мухлисларини хушнуд этишда давом этади. Маълумки, айни кунларда хонанда  "Шаҳзода сенинг шаҳрингда" номли юртимиз бўйлаб бўлиб ўтадиган концерт дастурига катта тайёргарлик кўрмоқда. Май ойида старт оладиган концерт халқимиз учун кутилмаган туҳфа бўлганлиги сир эмас. Шаҳзода концерти олдидан ўз мухлисларини яна бир карра қувонтиришни уддасидан  чиқди. Унинг 2017 йилда бўлиб ўтган концерт дастури дисклари сотувга чиқди. Шу билан бирга узоқ кутилган концерт Youtube.com видеохостингидаги Rizanova каналига жойлаштирилди. Эндиликда ушбу концертни сиз ўз уйингизда, оила даврасида томоша қилиш имконига эгасиз.