“Намасте муҳаббат” фильмининг тақдимоти бўлиб ўтди

Куни кеча “Lastmedia” ва режиссёр Дилшод Аҳмедов томонидан суратга олинган “Намасте муҳаббат” фильмининг илк намойиши бўлиб ўтди. Тақдимот жуда ҳам файзли ва аъло даражада бўлди. Картинанинг премьерасида ОАВ ходимлари, санъат вакиллари, кино юлдузлар ҳамда фильм ижодкорларининг яқинлари ташриф буюришди. Томошабинлар ва ташриф буюрган меҳмонлар кўпчиликни ташкил этди. Ҳаттоки, қўшимча яна иккита зал очилди. Бу эса халқимизда кино асарга бўлган қизиқиш юқори эканидан далолат беради. Кино сарой фойесига ўрнатилган катта баннер эса барчани эътиборини тортди. Тақдимотнинг бадиий қисмини Аҳад Қаюм ва Парвиз Фаттоев олиб боришди. Ижодкорлар саҳнага таклиф этилмасидан аввал, бир қатор хонандалар ўз қўшиқлари билан томошабинларни хушнуд қилишди. Шунингдек, бош роль ижрочиси Бехрух Тоҳиров томонидан фильм учун яратилган саундтрек ҳам ижро қилинди.

Эслатиб ўтамиз, фильмда Тўти Юсупова, Убайдулло Омон, Беҳруз Тохиров, Лола Примқулова, Севара Солиева ва бошқалар иштирок этишган.