Дилсўз “Соғиндим” клипини тақдим қилди

“Ниҳол” мукофоти совриндори Дилсўз баҳорни қизғин ижод билан бошлагани сир эмас. У баҳорнинг илк куни “Баҳор” номли қўшиғини тақдим қилган бўлса, бугун, “Соғиндим” номли видеоклипини намойиш қилди. Ҳамдам Содиров билан ҳамкорликда ёзилган мазкур қўшиққа ишланган клип режиссёри ёш ижодкор Жамшид Исахўжаев. Трек ва сюжетдан иборат бўлган видеоасарда қаҳрамонлар образида Шаҳзода Муҳаммедова, Жамшид Исахўжаев, Малика Азизова намоён бўлишади. Умид қиламизки, Дилсўзнинг ушбу ижод маҳсули халқимизга манзур бўлади.