Дилсўз - "Соғиндим"

Истеъдодли хонанда, "Ниҳол" мукофоти совриндори Дилсўз, бугун янги таронасини тақдим қилди. "Соғиндим" деб номланган бу мусиқий асар илк жарангидаёқ илиқ кутиб олинди. Ҳамдам Собиров сўзи ва мусиқаси ҳамда Дониёр Аҳмедов аранжировкаси билан яратилган қўшиқ, Дилсўзнинг бу ижодкорлар билан ёзган биринчи ижод маҳсули ҳисобланади. Умид қиламизки, композиция халқимизга манзур келади.

Бу ҳали ҳаммаси эмас. Дилсўз Туркиянинг машхур хонандаси Синан Ўзен билан дуэт куйлади.  Оилавий дуэт бўлмиш "Севгилим"  қўшиғини янгича талқинда ижро қилишди. Ҳаттоки, қўшиқ учун видеоклип ҳам суратга олинди. Ўзбек ва турк  тили уйғунлигида ижро қилинган композиция икки давлатнинг дўстлигини янада мустаҳкамлашга хизмат қилади.