Отабек Муталҳўжаев тез кунда янги қўшиғини премьера қилади

"Ниҳол" мукофоти совриндори Отабек Муталхўжаев тез кунда мухлислар эътиборига янги "Сен келмадинг" деб номланган таронасини тақдим этади. Романтика ва лирика уйғунлашиб кетган мазкур қўшиқнинг муаллифлари Сардор Қорахўжаев ва Хамдамдир. Мусиқий сайқал Жасур Бадалбоевга тегишли. Айнан шу таронанинг тожик тилидаги варианти эса "Нозанин" деб номланади. Тожик тилидаги версиянинг сўз муаллифи Далер Хонзода. Янги қўшиққа клип ҳам суратга олиниши режалаштирилмоқда.