Уммон гуруҳидан "Осмондаги ой"

Мухлисларнинг севимли гуруҳларидан бири бўлган Уммон куни кеча янги ижод маҳсулини оммага тақдим қилди. "Осмондаги ой" деб номланган тарона асосан ёшлар томонидан илиқ кутиб олинди. Айни дамда гастрол концерт дастурларига тайёргарлик кўраётган гуруҳ ижодкорларининг бу мусиқий асари ҳам энг талабгор қўшиқлар сафидан ўрин олади деб умид қиламиз. Ҳозирда Уммон гуруҳи, яна янги бир нечта қўшиқлар ёзиб тугаллаган бўлиб, улар орасида рус тилида ижро этилгани ҳам мавжуд. Яқин кунларда эса гуруҳнинг навбатдаги видеоклипи ҳам ойнайи жаҳон юзини кўради.