Ҳўжа гуруҳидан тез кунда янги ижод маҳсули

Элимиз суйган ижодкорлардан иборат бўлган Ҳўжа гуруҳи ва гуруҳ солисти Иззат Ибрагимов янги "Севги" деб номланган қўшиқ куйлашди. Бу тарона учун ҳаттоки, ўзгача услубдаги видеоклип ҳам суратга олишди. Дилмурод Агзамов режиссёрлигида яратилаётган клип трек ва сюжетдан иборат. Съёмка жараёнидан оммага тақдим қилинган фотосуратлардан клип ретро услубида тасвирга туширилаётганини англаш мумкин. Унда бош ролларда Ҳасан вa Ҳусан Мақсудовлар, Шодиёра Омонова, шунингдек, жажжи актёр ва актрисалар иштирок этишган. Яқин кунларда премьера қилиниши кўзда тутилган мазкур клип  Ҳўжа гуруҳининг продюсери Юнусали Ҳўжабековнинг ғояси асосида суратга олинди. Қўшиқ муаллифларига тўхталадиган бўлсак, Пўлат Мўмин шеърини Тўлқин Содиқов куйга солганлар. Зафар Қодиров эса мусиқий сайқал берган.