Ҳулкар Абдуллаева тез кунда навбатдаги клипини тақдим этади

Хоразмнинг шўх ва эрка қизи Ҳулкар Абдуллаева яна бир лойиҳага қўл урди. Хонанда янги қўшиқ ёзиб, унга видеоклип ҳам суратга олишга улгурди. “Қора паранг" деб номланган қўшиқ учун яратилаётган клип Хоразмда тасвирга туширилди. Давр медия студияси режиссёрлари томонидан тасвирга туширилган клип комедик жанрда. Унда хонанда шўх ва шаддод қаҳрамон образини яратди. Оддийгина қишлoқ ҳаёти тасвирланган бу ижод намунаси тез кунда халқимизга намойиш этилади.
Тарона муаллифларига тўхталадиган бўлсак, қўшиқ халқ сўзи билан ёзилган. Фарруҳ Соҳиб томонидан мусиқаси басталанган. Аранжировка муаллифи эса Фурқат Бобожонов.