Дилсўз навбатдаги клипини суратга олдирди

Ниҳол мукофоти совриндори Дилсўз куни кеча навбатдаги видеоклипини суратга олдирди. "Сенинг ягонанг" деб номланган тарона Баҳодир Низомов сўзи ва Аҳмад Ҳожиматов мусиқаси ҳамда аранжировкаси билан яратилган. Клипни Шерзод Умаров тасвирга туширди. Трек ва кичик сюжетни ўз ичига олган видео асарда ёш ижодкорлар Динара Исраилова ва Шоҳжаҳон Эргашев бош ролларни ижро этди. Клип мелодрамма жанрида бўлиб, съёмка жараёнлари Тошкент шаҳрининг гўзал гўшаларида бўлиб ўтди.