Сарвар ва Комил Нукусда яккахон концерт дастури билан меҳмон бўлишди

Маълумки, серқирра ижодкорлар Сарвар ва Комил шу кунларда юртимиз ва бир нечта чет эл мамлакатлари бўйлаб кетма-кет гастрол концерт дастурларини намойиш этишмоқда. Ҳар бир манзилда "Бир муҳаббат қиссаси" номли киноконцерт аъло даражада кутиб олинмоқда. Жумладан Нукусда бўлиб ўтган дастур юқори савияда ўтди. Мухлислар аввало Сарвар ва Комилнинг ташрифидан хурсанд бўлишган бўлса, севимли қўшиқларини жонли ижрода тинглаб бошлари кўкка етди. Айниқса хонандалар билан бирга энг хит тароналарни куйлаб, мириқиб ҳордиқ чиқардилар. Энди эса навбат Москвага. Ўзга юртларда ҳам ўзгача қарши олинаётган киноконцерт кейинги манзилда ҳам юқори савияда бўлиб ўтишига шубҳамиз йўқ. Омад тилаймиз ва кузатишда давом этамиз.