"Иснод" фильмининг саундтреки тақдим этилди
Маълумки, айни кунларда юртимиздаги кинотеатрларда давлат буюртмасига асосан “Ўзбекфильм” киностудияси томонидан бугунги кунда бутун жаҳонда долзарб бўлиб турган ОИТС ва одам савдосига қарши курашиш мавзуида “Иснод” номли тўлиқ метражли бадиий фильм намойиш этилмоқда. Барчани ўз ғояси билан ўзига тортган фильм учун Ўзбекистон халқ артисти Гулсанам Мамазоитова томонидан саундтрек ҳам ижро этилган. Кўпгина мухлисларнинг талаб ва истакларига биноан мазкур саундтрек томошабинлар ҳукмига ҳавола этилди. Қаҳрамон Агзамов режиссёрлигида яратилган бу ижод маҳсули фильмнинг энг таъсирли саҳналари билан бойитилган.
Кинокартина драма жанрида суратга олинган бўлиб, унда тележурналист Жамиланинг саъй-ҳаракатлари натижасида содда қизларнинг алданиб, чет элларга сотилиб кетаётгани фош этилади. Томошабин фильм қаҳрамонларининг тақдирини кузатиш орқали инсонийлик, садоқат ва ҳаққонийлик каби ҳиссиётларни англайди.