Санжар Ҳаликов Барселонада видеоклип суратга олдирди

Ёш ва иқтидорли хонанда Санжар Ҳаликов сўнгги кунларда қизғин ижод билан банд. У кетма-кет янги қўшиқлар ёзиш билан бирга видеоклип суратга олдириш ишларига ҳам улгурди. Клип  хонанданинг “Ҳамон” қўшиғи учун яратилаётган бўлиб, тасвирга тушириш жараёнлари Испаниянинг Барселона шаҳрида, тўрт кун мобайнида  бўлиб ўтди. Клип режиссёри маҳоратли клипмейкер Ёдгор Носиров. Либослар муаллифи Ҳилола Шер. Тарона эса Шаҳбоз матни билан ёзилган. Мусиқа ва аранжировка муаллифи Жасур Бадалбоев. Яқин кунларда омма эътиборига намойиш этиладиган видео асар халқимизга манзур келади деб умид қиламиз. Ҳозирча кузатишда давом этинг.