“ЮРАК ЙИҒЛАР” ФИЛЬМИ ИЖОДКОРЛАРИ МЕҲМОН БЎЛИШДИ
Йилнинг энг узоқ кутилган фильми “Юрак йиғлар”нинг ижодкорлари 7 май куни соат 13:30 да “Ўзбегим таронаси” радиоси меҳмони бўлишди.
Фильмда бош ролларни ижро этган таниқли хонандалар Сарвар ва Комил, Зарина Низомиддинова, Баҳрул Курбанов ҳамда Парвиз бошловчи Турсуной Алимова билан биргаликда қизғин суҳбат жараёнини ўтказишди. Улар студияга қуруқ қўл билан ташриф буюргани йўқ. Тингловчи ва мухлислар учун 8 май куни “Алишер Навоий” кинотеатрида бўлиб ўтадиган “Юрак йиғлар” филмининг премьерасига иккита таклифнома билан қадам ранжида қилди.
Фақат таклифноманинг эгалари қизиқарли савол-жавоблар жараёнида аниқланди ва уларга совға сифатида топширилди. Шунингдек, суҳбат жараёнида кино ижодкорлари томонидан бир-биридан антиқа ва қизиқарли воқеалардан ҳикоя қилиб берилди. Улардан бири, ўтган гал хабар берганимиздек, тасвирга олиш ишлари совуқ кунларда не-не қийинчиликлар билан амалга оширилгани.
Қайд этиб ўтиш лозим мазкур фильмда меҳнат қилганларнинг барчаси илк маротаба ўзларини кинода синаб кўришган. Ҳатто фильм продюссери ҳам. Фильм воқеалари уч дўст ва бир қиз ўртасидан юз берган турли туман тўқнашувлар хусусида. Албата, севги ва муҳаббат туйғуларига бой кадрлар ҳам фильмдан таъсирли равишда жой олган. Бу ҳақида батафсил, фильмни томоша қилган ҳолда билиб олишингиз мумкин бўлади.
