Шаҳзода ва Dr Costi “Billionaire” клипини намойиш қилди

Эстрадамизнинг бетакрор хонандаси Шаҳзода, таниқли ижодкор, доимий ҳамкорларидан бири Dr Costi билан куйланган “Billionaire”   композицияси учун видеоклип тасвирга олдиргани ҳақида маълумот бериб ўтган эдик.

Мазкур видеоклип бугун омма эътиборига ҳавола этилди. Қисқа фурсат ичида бу мусиқий асар халқимиз орасида оммалашиб, барчанинг севимли қўшиғига айланиб улгурди. Видеоклипидан сўнг янада томошабинлар меҳрини қозонишига шубҳамиз йўқ. Чунки, қўшиқнинг клипида унга монанд ғоя илгари сурилган. Клипни томоша қилиб  сиз ҳақиқий гўзаллик, ҳақиқий бойлик  бу қалб гўзаллиги эканига яна бир бор амин бўласиз. Марҳамат томоша қилинг.

Эслатиб ўтамиз, Dr Costi билан ҳамкорликда яратилган қўшиқнинг видеоклипи Тимур Примкулов режиссёрлигида тасвирга олинган.