Мафтункор Шаҳзоданинг яккахон концерти кунлари маълум бўлди

Санъатимизнинг мафтункор хонандаси Шаҳзода кутилмаган янгиликларни тақдим этиб, мухлисларини хушнуд қилишда давом этади. Бугун эрта тонгдан хонанда яна бир ёқимли янгилик билан бўлишди. Қандай янгилик дейсизми? Бу сиз-у биз бирдек кутган яккахон концерт дастури билан боғлиқ бўлган хушхабардир.

Бетакрор Шаҳзоданинг жорий йилда бўлиб ўтадиган концерти кунлари маълум бўлди. 5, 6, 7, 8, 9, 10, 11-май кунлари, соат 19:00 да, “Истиқлол” санъат саройида севимли хонандангиз сиз учун куйлайди. Дастур чипталарини  1-февралдан бошлаб, “Истиқлол” санъат саройи кассаларидан ҳарид қилишингиз мумкин бўлади. Концерт кутилмаган совғаларга бой бўлиши шубҳасиз. Ўзгача ўтадиган концерт дастурига барчангизни таклиф этамиз. Дастур ҳақидаги энг қайноқ хабарларни биринчилардан бўлиб сайтимизда кузатиб боринг.