Достон Убайдуллаевдан юлдузлар иштирокида видеоклип тез кунда

Хушовоз хонанда Достон Убайдуллаев “Сен учун” деб номланган қўшиғи учун видеоклип тасвирга олдирди. Айни дамда мазкур композиция рақсбоплиги ва дилларга хуш ёқувчи оҳангларни ўз ичига олганлиги сабабли мухлисларга манзур келаётгани барчага маълум. Хонанда бундан илҳомланиб, ушбу тарона учун видеолкип суратга олишни режалаштирди ва режиссёр Жонрид Сагдиев билан ҳамкорликда тасвирга олиш ишларини бошлаб юборди. Клипда Шаҳзода Муҳаммедова, Муқаддас Саъдуллаева, Сардор Раҳимхон, Жавлон Шодмонов, Ҳасан ва Ҳусан триосининг йигитлари ва бошқалар иштирок этишди. Юлдузлар иштирокидаги видео асар қизиқарли воқеаларга бой бўлиши кутилмоқда.