Хонанда Ҳадича янги қўшиқ устида иш бошлади

Яқиндагина “Бир гўзал” таронасини тақдим қилган хонанда Ҳадича яна бир янги қўшиқ устида иш бошлади. “Келма” деб номланган мазкур тарона устида айни дамда қизғин жараён олиб бормоқда.

Қўшиқ  ёш ижодкор бўлишига қарамай, кўпгина хит тароналар муаллифига айланган ижодкор Шоҳжаҳон Эргашев сўзи ва мусиқаси билан яратилган. Композицияга Аҳрор Муродов томонидан мусиқий сайқал берилмоқда. Студияда овоз ёзиш ишларини Фазлиддин Ҳожиниёзов олиб бормоқда. Маълумотларга қараганда бу таронага ҳам видеоклип тасвирга олиш кўзда тутилган.

Тез кунда эса “Бир гўзал” қўшиғига видеоклип суратга олиш ишларига старт берилади. Бу ҳақида кейинги янгиликларимизда батафсил маълумот бериб ўтамиз.