Сиз билган “Паризод” қўшиғи Шоҳруҳхон ижросида
Эстрадамиз юлдузи Шоҳруҳхон айни дамда февраль ойида бўлиб ўтадиган “Шайдо” деб номланган концерт дастурига қизғин тайёргарлик ишларини олиб бормоқда. Концерт учун янги қўшиқлар яратишни аллақачон бошлаб юборган хонанда куни кеча кутилмаган совға тайёрлаётганини маълум қилди. У қолдирган маълумотдан айтиш мумкинки, хонанда ўз ваъдасига содиқ қолди. Бу йил ҳам у концертида устоз санъаткорлар ижодига мурожаат қилиб, сиз севган қўшиқлардан бирини янгича талқинда ижро этиб, мухлисларга тақдим этади. Устоз санъаткор Муҳриддин Ҳолиқовнинг “Комила қиз” қўшиғини қайта ижро этганида халқимиз томонидан аъло даражада кутиб олинган эди. Мухлислар қалбидан ўзгача жой олган бу қўшиқдан сўнг яна бир нечта устоз санъаткорлар ижодига мурожаат қилди. Бу йил эса у яна Муҳриддин Ҳолиқовнинг “Паризод” қўшиғини янгича талқини устида иш олиб бораётганини маълум қилди. Овоз ёзиш студиясидаги иш жараёни тасвирланган видеолавҳадан сўнг мухлислар таронага катта қизиқиш билдира бошлашди. Демак, севимли хонандангиздан яна бир тарона сизлар учун яратилмоқда. Кутинг ва кузатишда давом этинг.