«Ишқ» фильмининг тақдимоти бўлиб ўтди

Алишер Навоий номли кино саройида режиссёр Файзираҳмон Усмоновнинг “Ишқ” деб номланган фильмининг тақдимоти бўлиб ўтди.

Тақдимотда мусиқа ва кино оламининг машҳур вакиллари, режиссёр, кино актёр ва актрисалар жумладан Шахриёр реп, Шерзодбек, Жамила Ғофурова, Ҳабибулла Низомовлар ташриф буюришди.

Фильм режиссёри Файзираҳмон Усмонов сўзга чиқиб, фильм ҳақида, унинг суратга олиш жараёнлари ҳақида қисқача гапириб, мухлисларга ёқимли томоша тилади.
Шаҳриёр реппер ҳамда хонанда Шерзодбек ўзларининг мусиқий табрикларини йўллашди. Мазкур фильм Файзираҳмон Усмоновнинг илк фильми бўлишига қарамасдан мухлислар уни яхши кутиб олишди. Фильм 2 ноябрдан бошлаб юртмизнинг барча кино театрларида намойиш қилина бошлайди.