Декабр ойининг илк кунлари «Истиқлол» санъат саройида Қиличбек Мадалиев куйлайди

Хонанда Қиличбек Мадалиев декабрь ойининг илк кунларида «Истиқлол» санъат саройида ўзининг навбатдаги яккахон концерт дастурини тақдим қилади.

Концерт дастурини тақдим қилиш борасида катта танаффус туфайли хонандада хит қўшиқлар жамланмаси ва турли туман ажойиб ғоялар шаклланганлиги аниқ. Дастур номи ҳам ўзига хос бўлиб «Ошиқлигимни айтинг» деб номланади.

Дастур кунлари нисбатан кеч эълон қилинган бўлсада, дастурга тайёргарлик ишлари ёз ойларидан бошланган. Ҳар бир қўшиққа алоҳида ёндошилиб, алоҳида рақслар тайёрланган.

Хонанда умуман кутилмаган йўналишда, умуман кутилмаган эстрада хонандаси билан дуэт қўшиқ тайёрлагани ҳақида маълумотлар бор. Аммо ҳозирча мазкур хонанданинг кимлиги барча ОАВларига сир тутилмоқда.

«Дастурингизда қизиқчи ва кулгу жамоалари ҳам бўладими?» деган саволимизга, «Қизиқчи ва кулгу жамоаларисиз ҳам дастурни кўнгилдагидан ҳам ортиқ ўтказса бўлади, яна билмадим, ҳозирча бу ҳақида ўйлаб кўрмадим»,- дея жавоб берди хонанда.

1-, 2- декабрь кунлари «Истиқлол» санъат саройида хонанда Қиличбек Мадалиевнинг узоқ кутилган концерт дастури бўлиб ўтади. Концертда мухлисларга «Мўжиза медиа» концерт дастурларини ташкиллаштирувчи компания хизмат кўрсатади.