Ойбек Нигорани алдадими?
Эстрадамизнинг юлдузли жуфтлиги Ойбек ва Нигора мухлислари учун ажойиб совға тайёрлашди. Улар янги “Алдама” деб номланган янги қўшиқ ва унга ишланган клипни намойиш этишди. Юртимизнинг етакчи радиотўлқинлари узра жарангини сочган тарона тингловчилар томонидан илиқ қарши олинди. Композицияни тинглаганлар “Ойбек Нигорани алдабди” - деб ўйлашса янглишади. Бу шунчаки кайфиятни кўтарувчи, рақсга чорлайдиган қўшиқ холос. Ҳа айтганча, улар мусиқий асарга клип ҳам тасвирга олдиришди. Трек жанридаги клипда Ойбек ва Нигорани кутилмаган ёрқин образларда кўришингиз мумкин.
Тарона сўзи ва мусиқаси Ойбек Алимовга тегишли. Аранжировкаси Рустам Тўлашев томонидан амалга оширилган. Клип режиссёри Санжар Ҳаджи. Клипдан ҳозироқ баҳра олинг. Барчангизга ёқимли томоша тилаймиз.