Райҳондан узоқ кутилган премьера “Халос эт”

Бир неча кун олдин эстрадамизнинг беқиёс юлдузи Райҳон ўзининг янги "Халос эт” номли қўшиғи учун видеоклип тасвирга олдирган эди. Маҳоратли клипмейкер Ёдгор Носиров билан ҳамкорликда суратга туширилган клип бугун тайёр бўлди ва қўшиқ билан бирга халқимизга намойиш этилди. Тингловчилар томонидан илиқ қарши олинган композиция унинг яккахон концерт дастурида ижро этилган бўлиб, бу мусиқий асар мухлислар томонидан узоқ кутилди. Бунга жавобан Райҳон уларни икки карра хурсанд қилди десак муболаға бўлмайди. Беном гуруҳи вакиллари Сарвар ва Комил билан ҳамкорликда яратилган қўшиқ ва унинг клипидан ҳозироқ баҳра олинг. Ўз фикр-мулоҳазаларингизни билдиришни унутманг.