Шоҳруҳхондан тез кунда янги клип премьераси
Эстрадамизнинг ёрқин юлдузи Шоҳруҳхон яқиндагина янги қўшиғини тақдим қилган бўлишига қарамай, мухлислари учун яна бир ажойиб туҳфа тайёрламоқда. Бу туҳфа ҳозирги кунда кўпчиликнинг севимли таронасига айланган ва хит даражасига чиққан “Алдамадим” қўшиғи учун ишланган видеоклипдир.
Бу клип ўзгача сюжетга бой бўлию, хонанда уни ҳар доимги ҳамкоркорлари клипмейкер Дилмурод Агзамов билан бирга суратга олдирди. Оператор Рустам Муродов.
Бу клипнинг илк суратлари, трейлери оммага тақдим қилинганиданоқ, мухлисларнинг клипга бўлган қизиқиши янада ортди ва улар, бу ижод маҳсулини интиқлик билан кутишмоқда. Ҳозирча клипни суратга олиш жараёни акс этган фотосуратларни томоша қилиш имконига эгасиз. Бошланаётган янги ҳафтада эса клип халқимизга намойиш қилинии кўзда тутилган. Демак, кузатишда давом этинг.
