Муниса Ризаевадан тез кунда янги видеоклип – “Гулғунча”

Эстрадамизнинг ёрқин хонандаларидан бири Муниса Ризаева куни кеча айни дамда тингловчилар орасида оммалашаётган “Гулғунча” таронаси учун видеоклип тасвирга олиш ишларини бошлаб юборди. Аввал маълум қилганидек видео клип клипмейкер Наримон Султонхўжаев билан ҳамкорликда яратилмоқда. Бу клипда ҳам хонанда бир нечта такрорланмас образларда намоён бўлади. Клипнинг бир қисми пойтахтимиз кўчаларида, яна бир қисми эса павилионда суратга олинди.

Клипда хонанда билан бирга Шукурилло Исроилов ва Феруза Собитовани ҳам кўрасиз. Улар ҳам мазкур видеоклипда ўзгача образларда намоён бўлишади. Ҳозир суратга олиш майдончасидан тақдим этилган фотосуратлардан баҳраманд бўлинг ва тез кунда клипни кутиб қолинг.