Латофатли Лоланинг Москвада бўлиб ўтган концерт дастури ҳақида батафсил

Ўтган якшанба яъни 7-август куни Москвада жойлашган катта “Космос” номли  концерт залида латофатли Лоланинг жонли ижродаги яккахон концерт дастури  бўлиб ўтди.

Жонли ижро билан бирга, мухлислар билан бирга бўлган мулоқот барчани ҳайратлантирди. Концерт давомида хонанда томошабинлар билан худди қариндошлардек сўзлашди. Қолаверса, мазкур концертда мухлислар Лола билан бирга саҳнанинг ўзида дуэт куйлаш  имконига эга бўлдилар.

 Меҳмонлар нафақат рақсга тушди, балки  турган жойида хонанда билан бирга энг севимли қўшиқларини биргаликда ижро қилишди. Шунингдек, рақс дастурлари ҳам саҳналаштирилган бўлиб, унда Россиянинг машҳур хонандаси Полина Гагаринанинг концерт дастуридаги чиқишлари эсда қолган рақс гуруҳи иштирок этди. Қолаверса, гитарачи  Жамшид Ражабов, ушбу дастурда “торт устидаги олча” ролини ўйнади десак, янглишмаймиз.

Мухлисларни ҳайратланишига сабаб бўлган концертнинг яна бир жиҳати хонанданинг ноодатий образлари бўлди. Лола бежирим ва нафис либослари билан ҳам барчани лол қолдирди.

 Ушбу либослар ва яратилган образ учун у дугонаси дизайнер Зулфия Султонга алоҳида миннатдорчилик билдириб қолади. Бир сўз билан айтганда концерт аъло даражада ўтди ва буни тақдим этилаётган фотосуратлардан ҳам билиб олишигиз мумкин бўлади. Марҳамат. Томоша қилинг ва ўз фикр-мулоҳазаларингизни билдиринг.