Улуғбек Раҳматуллаев навбатдаги ютуғини мухлислари билан бўлишди

Элимиз ардоғидаги хонанда Улуғбек Раҳматуллаев қувончини ўз мухлислари билан бўлишди. Хонанда инстаграм ижтимоий тармоғидаги расмий саҳифасига қўшни мамлакатлардан юборилган навбатдаги видеолавҳани жойлади. Унда Улуғбек Раҳматуллаевнинг “Мени кечир” таронасини Қозоғистонлик хонанда маҳорат билан ижро этаётганини кўришингиз мумкин.

 Бу унинг ижодида биринчи марта эмас. Маълумки, Улуғбек Раҳматуллаевнинг бир нечта қўшиқларини бошқа давлат хонандалари куйлашмоқда. Бундан қувонган хонанда, бу ҳолатлардан хурсанд эканини таъкидлади. “Навбатдаги келган видео. Қозоғистондан келди. Унда сиз Қозоғистонлик хонанданинг “Мени кечир” қўшиғимизни жудаям  чиройли маҳорат билан куйлаганига гувоҳ бўласиз ва биз бундан жудаям хурсандмиз.  Бу ҳисоб бўйича 9 ёки 10 қўшиғимиз бошқа давлатлар хонандаси тарафидан куйланишидир” – дея изоҳ қолдирди хонанда видеони ўз саҳифасига жойлаштира туриб. Биз ҳам бундан жуда ҳам хурсандмиз ва хонанданинг ижодига улкан зафарлар тилаб қоламиз.