"Элдидо" гуруҳидан тез кунда сиз кутган тарона “Оқшомлар”
Ёшларнинг яна бир севимли гуруҳи бўлган, қолаверса ўз истеъдоди ва ижро маҳорати билан халқимиз қалбидан жой олган “Элдидо” гуруҳи ёзнинг жазирама кунларини қизғин ижод билан ўтказишмоқда. Улар ҳозирда тез кунда омма эътиборига ҳавола қилиниши кутилаётган янги тарона яратиш билан банд. “Оқшомлар” деб номланган қўшиқ яратилиш жараёнини ўзидаёқ кўпчиликка манзур бўлди десак, муболаға бўлмайди.
Гуруҳ ижодкорлари инстаграм ижтимоий тармоғи орқали бу жараённи фотосуратларда ва видеолавҳаларда кузатувчиларига тақдим қилишди. Мухлислар ҳали тайёр бўлмаган қўшиқни аъло даражада баҳолаб, тезроқ премьера қилишларини сўраб изоҳлар қолдиришди.
Демак, тез кунда севимли гуруҳингиздан яна бир қўшиқни тинглашингиз мумкин бўлади. Ҳозирча кутинг ва кузатинг. Албатта кутишга арзигулик тарона бўлишига ишонамиз. Омад тилаб қоламиз.