1-июнь – Халқаро болаларни ҳимоя қилиш кунига бағишланган мусиқали фильм суратга олинди
Айни дамда бир қатор кино ижодкорлар болаларга бағишланган мусиқали фильм устида иш олиб боришмоқда. “Танловга йўл” деб номланган мазкур фильмда жажжи актёрлар, хонандалар ва профессионал актёр ва актрисалар таклиф этилди.
Тўртта болакайнинг мусиқий танловда иштирок этиш учун ҳаракат қилиши ва бу йўлда кўрган кечирганлари, қизиқарли саргузаштлари фильмни сюжетини асослади. “Танловга йўл” фильмининг ғояси Феруза Нодировага тегишли. Режиссёр Озод Шамс. Продюсер Руслан Мирзаев. Бош ролларни Шаҳризода Одилова, Сулаймон Искандаров, Паризода Баҳромова ва Мирпўлат Солиҳжонов ижро этди. Ёш истеъдодлар фильм давомида қўшиқ ҳам куйлашди.
Актёрлик маҳоратини ҳам ижро қилишди. Актёрлар ва актрисалар Саид Мухторов, Санжар Шодиев, Зуҳра Солиева, Гулхумор Абдуллаева, Феруза Собитова, Муқаддас Саъдуллаева, хонандалар Отабек Муталхўжаев, Ёдгор Мирзажонов, Сайёра Қозиева, Ҳадича Қурбонова, Рухшона, Каниза, Будур ва Саидаларни ҳам фильм давомида кўришингиз мумкин. Мазкур фильмнинг премьераси 1-июнь куни “Менинг юртим” телеканали орқали бўлиб ўтади. Демак, кузатишда давом этинг.
