Хонанда Лола янги видеоклип устида иш бошлади

Эстрадамизнинг латофатли хонандаси Лола сўнгги кунларда қизғин ижод билан банд. У бир қатор янги ғоялар, лойиҳалар устида ишламоқда. Айни дамда тингловчиларнинг севимли таронасига айланган “Соғиндим” қўшиғи учун яратилаётган клип ҳам шулар жумласидандир. 

Санжар Маткаримов режиссёрлигида тасвирга олинаётган видеоклипнинг суратга тушириш ишларининг биринчи куни ниҳоясига етди. Кўнгилдагидек якунланган жараённинг илк кунида клипнинг бир қисми тасвирга олинди. Суратларда ҳам фақатгина Лолани кўришингиз мумкин.

Бош қаҳрамон ролини ижро этган актёрнинг кимлиги эса ошкор этилмади. Буни сиз эртанги суратга олиш жараёнидан сўнг билиб олиш имконига эга бўласиз. Ҳозирча ўз тахминларингизни ёзиб қолдириш имконига эгасиз.

Мазкур видеоклипни суратга олиш ишларида кўмак бераётган ижодий гуруҳ ҳақида маълумот берадиган бўлсак, режиссёр Санжар Маткаримов, унинг ёрдамчиси Ихтиёр Бахтиёров. Иккинчи режиссёр Мансур Васати, оператор Рустам Муродов. Пардозчи Рената Искандарова, Либослар бўйича рассом Ҳилола Шер, визажист Диана Якушева. Картина директори Баҳриддин Шамсиддинов. Видеоклипни суратга тушириш ишларининг иккинчи кунидан ҳам батафсил маълумотни тақдим этамиз. Шундай экан, биздан йироқлашманг.