Маданият ва спорт ишлари вазирлиги ташаббуси билан ўтказилаётган маданий тадбирлар мавзусида матбуот анжумани бўлиб ўтди.
Маданият ва спорт ишлари вазирлиги томонидан “Ким эдигу ким бўлдик, эртага қандай юксак марралари эгаллашимиз керак?” мазмунидаги тарғибот тадбирлари ҳамда ижодкор ёшларни ҳар томонлама қўллаб-қувватлаш, уларнинг ўз истеъдодларини тўла намоён этишлари мақсадида 2016 йилга мўлжалланган маданий тадбирлар мавзусидаги матбуот анжумани бўлиб ўтди.
Мазкур матбуот анжуманида Маданият ва спорт ишлари вазирлиги масъул ходимлари, ҳамкор ташкилотлар вакиллари, тарғибот гуруҳлари аъзолари, иқтидорли ёшлар ҳамда ОАВ вакиллари иштирок этди.
Жорий йилнинг 1-5 март кунлари Тошкент шаҳрининг 11 та тумани ва улардаги 113 та умумтаълим мактабларида, 113 та касб-ҳунар коллежи ва академик лицейда ҳамда 34 та олий таълим муассасаларида “Ким эдигу ким бўлдик, эртага қандай юксак марралари эгаллашимиз керак?” мазмунидаги тарғибот тадбирлари юқори савияда ўтказилди.
Мазкур тадбирларда 135 нафардан зиёд таниқли шоир ва ёзувчилар, кино ва театр актёрлари, санъаткорлар ва эстрада хонандалари, “Ниҳол” мукофоти совриндорлари иштирок этди. Тадбирларга жами 53 984 нафар ўқувчи ва талаба ёшлар жалб этилди. Ушбу тадбирлар олдиндан ишлаб чиқилган намунавий сценарий ва маъруза матнлари асосида ташкил қилинмоқда.
“Ким эдигу ким бўлдик, эртага қандай юксак марралари эгаллашимиз керак?” мазмунидаги тарғибот тадбири билан бир қаторда Маданият ва спорт ишлари вазирлиги томонидан ижодкор ёшларни ҳар томонлама қўллаб-қувватлаш, уларнинг ўз истеъдодларини тўла намоён этишлари учун қатор маданий тадбирлар ўтказилиши режалаштирилган. Жумладан, жорий йилнинг сентябрь ойида “Мусиқага чорлайди ёшлар...!” ташкил этилади. Тадбир доирасида 18-25 ёшдаги симфоник ва эстрада оркестри чолғу ижрочиларининг “Шодлик наволари” номли республика танлови, “Ниҳол” мукофоти совриндарлари иштирокида “Биз, ватан фарзандлари – умид ниҳолларимиз!” шиори остида ҳисобот концерти, ёш бастакорларнинг опера, балет, мусиқали драма, мусиқали спектакль намойиши, “Ижодимиз сенга, Ватан!” номли ёш бастакорлар республика танлови ва бошқа қатор тадбирлар ўтказилади.
Шунингдек, матбуот анжуманида ““Ким эдигу ким бўлдик, эртага қандай юксак марралари эгаллашимиз керак?” мазмунидаги тарғибот тадбирларининг Тошкент шаҳри бўйича биринчи босқич якунлари, мазкур тадбирларни жойларда янада юқори савияда ташкил этиш масалалари атрофлича муҳокама қилинди.
