Дилсўз волидасига бағишлаб қўшиқ куйлади

Хонанда Дилсўзнинг  “Онам” деб номланган янги қўшиғи бугун  юртимизнинг етакчи радиотўлқинлари узра жаранг сочди. Тингловчилар томонидан илиқ кутиб олинган композиция мунис оналар учун муносиб туҳфа бўла олади. Мусиқий асарнинг муаллифларига тўхталадиган бўлсак, сўзи ва мусиқаси Фаррух Соҳиб томонидан яратилган. Аранжировкасини эса Фурқат Бобожонов яратган. Мазкур қўшиқ халқимизнинг қалбидан муносиб ўрин эгаллайди деб ўйлаймиз ва хонандадан яна янги ижод маҳсулларини кутиб қоламиз.