Шаҳзодадан янги ижод маҳсули!

Сана: 17.03.2014 2865 қайноқ

Концерт дастурига янги ғоялар, янги саҳна кўринишлари борасида  турли режалар билан банд эстрадамизнинг мафтункор  хонандаси Шахзода янгидан янги тароналари билан муҳлисларга завқ улашяпти. 

Биз сайтимиз орқали янги “Қайнона” номли  қўшиқ ҳақида батафсил маълумотларни берган эдик. Мазкур ижод маҳсули миллийлигу замонавийликни  ўз ичига олган бўлиб, қайнона келин муносабатлари ҳақида сўзлайди. Мусиқасини Каллен Мараро басталаган, матнини Комил Фозилов яратган  ушбу қўшиқнинг тақдимоти бугун соат 18.20 да “Ўзбегим таронаси” радиосининг “Премъера” лойиҳасида бўлиб ўтди. Бошловчи Дилмурод Ғуломов қўшиқни эълон қилдию тарона жаранг соча бошлади ва тингловчилар қўнғироғи тинмади. Муҳлислар бирин кетин  тўғридан тўғри эфирга сим қоқиб, ўзларининг ижобий фикрларини йўлладилар, Шаҳзоданинг истеъдодига тасаннолар айтдилар. Шунингдек, қайнона келин муносабатлари ҳақидаги фикрлар тингловчилар томонидан тилга олинди.

Қайноналар ҳам  smsлар йўллаб, қўшиқни такроран тинглаш истагини билдирдилар. Мазкур "Қайнона" номли тарона яна бир бора жаранг сочиб, муҳлисларга бир олам шолдик ҳадя этди. 

"Премъера" лойиҳаси давомида ижобий фикрлардан ташқари Шаҳзоданинг келгуси ижодига ва  яқинлашиб келаётган концерт дастурига омад тилаб, эзгу тилакларини йўлладилар.

Ижодкорнинг янги  таронасининг видеоклипини тез орада сайтимизда томоша қилишингиз мумкин.

 

Манзил:

Маъмурият билан алоқа

Сайт маълумотларидан тўлиқ ёки қисман фойдаланилганда, манба кўрсатилиши шарт.

Алоқа:

e-mail:info@popcorn.uz

Stop 00:00:00 Vol