Бунёдбек Саидовдан янги клип

Хоразмнинг хушовоз хонандаси Бунёдбек Саидов янги йилни қизғин ижод билан қарши олгани барчага маълум. Кетма-кет тарона ва клиплар тақдим этиб, халқимизни хурсанд қилишдан чарчамайдиган бу хонанда яна бир янги видео асарини омма эътиборига ҳавола қилмоқда. “Уч сўм пул” деб номланган қўшиққа яратилган клип Музаффар Юсупов режиссёрлигида тасвирга олинган.

Композициянинг сўзи ва мусиқаси эса Жавлон Отажонов қаламинга мансуб. Шўх ва рақсбоп бу таронани тинглаб, клипини томоша қилиб, кайфиятингизни кўтариш имкони сизда бор. Марҳамат томоша қилинг.

 

Бу ҳали ҳаммаси эмас. Бунёдбек Саидов “Янги йил ҳагомалари” деб номланган ҳажвий лойиҳа ҳам тайёрлаган бўлиб, уни ҳам тинглаб баҳо бериш имконига эгасиз.