Зарина Низомутдинова машҳур бренднинг юзига айланди

 

Ўзбек киносининг латофатли актрисаси Зарина Низомутдинова “Azucar Moreno” брендининг навбатдаги либослари коллекциясининг юзига айланди. Мазкур бренднинг асосчиси  2000-йил ҳамда 2004-йил оралиғида Ўзбекистондаги кўплаб фестивалларда қатнашган ва ғолибликни қўлга киритган. Ўз билимларини мустаҳкамлаш ниятида Испанияда таълим олган дизайнер 2006-йилда “Андалусиянинг энг ёш дизайнери” номинацияси бўйича ғолиб бўлган. Шунингдек 2012 йилда  Испания пойтахти Мадриднинг энг яхши ёш дизайнери номинациясига муносиб деб топилган. 

  

Шундан сўнг, у кўплаб халқаро  фестивал ва кўргазмаларда  қатнашди. Жумладан Барселона, Мадрид, Севилья,  Берлин, Флорипа ороли ва бошқа шаҳарларда ўтказилган кўргазмаларда иштирок этган. Бу вақт ичида дизайнер дунёга машхур бўлган Италия, Испан, Немец  брендлари билан ҳамкорликда фаолият олиб борди. Шундан сўнг Ўзбекистонга қайтди ва ўзининг навбатдаги либослар тўпламини тақдим этишга аҳд қилди.

  

Унинг навбатдаги коллекциясидан ўрин олган либослар суратларда кўриб турганингиздек ёрқин ва бежирим ишланган. Буни камчиликларсиз кўрсатиб бериш танланган модел ҳамда фотографнинг маҳоратига боғлиқ.  Мазкур коллекциянинг қиёфасини у Зарина Низомутдиновада кўрди ва у билан ҳамкорликда кутилмаган образдаги фотосессияни амалга оширди. Фотограф Алмаз эса бор иқтидорини ишга солди ва дизайнернинг ишларини актриса Зарина Низомутдинова ҳамда стилист Камол Низомов билан бирга кўрсатиб берди. Энди эса мазкур фотосессияни томоша қилинг ва дизайнернинг ишига баҳо беринг.