Ўзбек киносида янги фильм “Салом севги”

Ўзбек киносида яна бир янги фильм суратга олинди. Ишчи номи “Салом севги” бўлган бу картина Улуғбек Абзалов режиссёрлигина яратилмоқда. Тошкент шаҳри ва тоғли ҳудудларда тасвирга туширилган ушбу фильмнинг сценарийси Улуғбек Абзалов ҳамда Алибек Ҳакимов томонидан ёзилган. 

Унда бош ролларни Улуғбек Абзалов, Ситора Алимжонова, Ҳамид Тошпўлатов, Гулчеҳра Носирова ва бошқалар ижро этган. Айни дамда картинанинг монтаж ишлари олиб борилмоқда. Бу ишни Шаҳриёр Исмоилов амалга оширмоқда. “Салом севги” фильмининг бош продюсери Санжар Ҳамидов. Ижрочи продюсер Баҳрул Қурбонов. Феврал ойининг сўнгги кунларида премьера бўлиши кутилаётган мазкур картинани кутиб қоламиз. Бу кинофильм қайси жиҳатлари билан бошқаларидан фарқ қилар экан? Буни фақатгина фильм намойишидан сўнг билиб оламиз. Ҳозирча кузатишда давом этинг.