Лоладан дардга тўла клип премьераси “Яраланган қанот”
Санъатимизнинг ёрқин юлдузи, латофатли Лола аввал хабар берганимиздек, “Яраланган қанот” қўшиғига видеоклип тасвирга олиш ишларини бошлаб юборган эди.
“Беном” гуруҳи вакиллари Сарвар ва Комил билан ҳамкорликда яратилган композиция тақдим этилганидан сўнг унга видеоклип тасвирга олишни режалаштирган хонанда клип сценарийси бўйича танлов эълон қилган эди. Унда мухлислари ичида, шоу-бизнесга алоқаси умуман бўлмаган Алишер Жумабоев ғолибликни қўлга киритди. Лола ўзининг тасвирга олиш гуруҳига ғолибни қабул қилди ва унинг сценарийси бўйича видеоклипни суратга туширишди.
Ушбу клипга “Беном” гуруҳи солистларидан бири Сарвар Азимов режиссёрлик қилди. Операторлик вазифасини Бегзод Пўлатов бажарди. Айни дамда мазкур видеоасарни томоша қилиш имкониятига эгасиз. Марҳамат кўринг ва ўз фикр-мулоҳазаларингизни билдиринг.