“Мени кечир” картинасининг премьераси бўлиб ўтди

Ўзбек киноси кундан кунга ривожланиб, бойиб бормоқда. Куни кеча кинорежиссёр Дурдона Тўлаганова томонидан тасвирга олинган “Мени кечир” фильмининг намойиши бўлиб ўтди.  Мазкур тақдимотда картина ижодкорларини қўллаб қувватлаш ниятида, кўпгина кинотомошабинлар, актёрлар, актрисалар ҳамда хонандалар ташриф буюришди. Тадбирни бошловчи Рустамбек Худойберганов олиб борди. Анъанага мувофиқ премьера бадиий қисм билан бошланди. Истеъдодли хонанда Моҳим фильм саундтрекини куйлади. Шундан сўнг, картина ижодкорлари таништирилди.

 

Мелодрама жанрида суратга туширилган фильмда бош ролларни Шахзода Муҳаммедова, Муқаддас Саъдуллаева, Али Отажонов ва дебютант актёр Камрон Отажонов ижро этган. Шунингдек, Ўзбекистон халқ артисти Эльёр Носиров, Ўзбекистонда хизмат кўрсатган актриса  Гулчеҳра Саъдуллаева ҳамда Муяссар Бердиқулова, Тўхтамурод Азизов, Шодиёра Омоновалар ҳам такрорланмас образларни яратишган. Картина режиссёри Дурдона Тўлаганова, оператор Шерзод Умаров, сценарий муаллифи Шерали Исломов, пардозчи Алижон Имомов, иккинчи режиссёр Самира Султонова, бастакор Дониёр Агзамов. Фильм мувафаққияти билан картина ижодкорларини қутлаймиз ва янги киноларни кутиб қоламиз.

Эслатиб ўтамиз, 20-ноябрьдан бошлаб, юртимиз кинотеатрларида мазкур фильмни томоша қилишингиз мумкин.