Рухшонанинг ижодида нима гап?

Эстрадамизнинг истеъдодли хонандаларидан бири Рухшона маълумки, яқиндагина  оналик бахтига муяссар бўлди. Бу орада бироз танаффусда бўлган хонанда яна ижодга қайтди. Ҳозирги кунда бир нечта янги лойиҳалар устида иш бошлади. Улардан бири навбатдаги дуэт тарона бўлиб, ким билан яратилгани ҳозирча сир тутилмоқда. 

Қолаверса, Элдор Қаюмов билан ҳамкорликда янги композиция ҳам яратилмоқда. Хонанданинг маълум қилишича, бу икки мусиқий асарга ҳам видеоклип суратга олиш режалаштирилган. Тез кунда мазкур ижод маҳсулидан баҳраманд бўласиз. Шундай экан, биздан йироқлашманг ва кузатишда давом этинг.