Шуҳрат Носировдан илк тарона премьераси
Бир нечта таниқли хонандалар билан ҳамкорликда иш олиб борган ижодкор Шуҳрат Носиров яккахон хонанда сифатида ўз фаолиятини бошлади. Бугун “Ўзбегим Таронаси” радиоси орқали хонанданинг “Ёниб-ёниб” деб номланган композицияси жаранг сочди.
Мазкур мусиқий асар тингловчилар томонидан ижобий фикрлар билан қарши олинди. Қўшиқнинг муаллифларига тўхталадиган бўлсак, матн муаллифи Баҳодир Низомов. Мусиқаси хонанда томонидан басталанган. Аранжировкаси устида Даврон Абдуллаев иш олиб борган. Бу ҳали ҳаммаси эмас. Хонанданинг сўзларига қараганда, айни дамда 10 га яқин тароналар устида иш олиб борилмоқда. Тез кунда мазкур композициялар кетма-кет халқимизга намойиш этилади. Ҳозир эса Шуҳрат Носиров ижросидаги “Ёниб-ёниб” қўшиғини тингланг ва баҳо беринг.