Манзура ва Тоҳир Усмоновдан кутилмаган ижодий ҳамкорлик

Эстрадамизнинг ёрқин юлдузларидан бири Манзура яна бир кутилмаган дуэт тарона устида иш олиб бораётгани маълум бўлди. Маълумотларга қараганда, Манзура хушовоз хонанда Тоҳир Усмонов билан дуэт куйлади. Сўнгги кунларда унинг турмушга чиқаётгани билан боғлиқ бўлган гап-сўзлар бу ижодий ҳамкорликдан кейин янада авж олиши тайин. 

Ҳозирча номи сир тутилаётган бу композицияни куйлаш таклифи ҳар иккала томоннинг истаги ва келишуви билан амалга оширилган. Мазкур дуэт таронага хонандалар видеоклип суратга олишга ҳам улгуришди. Дилмурод Агзамов режиссёрлигида  яратилаётган видео асар мухлисларни ҳозирданоқ қизиқтирмоқда. Суратга олиш жараёнидан тақдим этилган фотосуратлардан видеоклип романтикага  ва ноодатий воқеаларга бой эканини кўришингиз мумкин.

Тез кунда янги тарона ва видеоклипни биринчилардан бўлиб, сайтимиз орқали томоша қилиш имконига эга бўласиз. Шундай экан биздан йироқлашманг ва кузатишда давом этинг.